Ni yw darparwr cymorth trais rhywiol mwyaf Cymru, gyda 30 mlynedd o brofiad o gyflwyno cymorth therapiwtig arbenigol i oedolion a phlant sydd wedi cael eu heffeithio gan drawma trais rhywiol, ymosodiad rhywiol neu gam-drin rhywiol.
Fel sefydliad elusennol, rydym yn cynnig ystod lawn o wasanaethau argyfwng, eiriolaeth, lles a chwnsela arbenigol, yn rhad ac am ddim. A ninnau’n sefydliad blaenllaw yn ein maes, rydym yn uchel ein parch ar draws y DU. Rydym yn cynorthwyo bron i 4,000 o bobl bob blwyddyn.
Y tu hwnt i hynny, rydym yn defnyddio’n profiad a’n harbenigedd i hyfforddi ac addysgu pobl eraill am effaith amrywiol trais rhywiol a cham-drin rhywiol, ac yn defnyddio’n llais i eiriol ar ran pobl sy’n aml yn cael eu distewi gan stigma.
Mae ein tîm ymroddgar o 150 a mwy o staff a gwirfoddolwyr yn gwneud popeth yn eu gallu i sicrhau bod ein cleientiaid yn cael gwasanaeth rhagorol sy’n bodloni eu hanghenion; maen nhw’n haeddu dim llai.
Gwasanaeth Lles
Mae ein Gwasanaeth Lles yn cynnig cymorth 1 i 1 gyda gweithiwr cymorth trais rhywiol hyfforddedig. Gallai’r cymorth hwn fod yn lle cwnsela, neu gallai helpu fel rhan o’r paratoi ar gyfer cwnsela.
Mae’n wasan...