Byddar-Dall Cymru, Ailgysylltiadau Cymru

Mae ein gwasanaeth Ailgysylltu yn cefnogi unigolion sydd â cholled synhwyraidd dwbl i ailgysylltu â’u cymunedau lleol, cael mynediad at gyfleoedd cymdeithasol, ac i leihau eu hynysigrwydd. Rydym yn cynnig cymorth wyneb yn wyneb lle rydym yn gweithio 1-1 ag unigolion i gynyddu eu hyder, eu symudedd cymdeithasol, a’u mynediad at gyfleoedd cymdeithasol.

Gellir teilwra’r gwasanaeth hwn i ddiwallu anghenion cymorth unigryw pob unigolyn, ac mae’r nodau a osodir yn amrywio o rai syml i rai mwy cymhleth, megis meithrin hyder i ymweld â chaffi lleol neu ymuno â grŵp cymunedol lleol. Gall fod yn wir nad yw rhywun yn ymwybodol o’r cyfleoedd sydd ar gael, neu’n rhy bryderus i adael y tŷ, gan arwain at unigrwydd ac ynysigrwydd. Rydym yn cynnal ymchwil i gyfleoedd cymdeithasol lleol ac yn cynnig cymorth i hwyluso dychweliad i fywyd cymdeithasol. Rydym hefyd yn cynnal grwpiau cymdeithasol misol fel rhan o’r gwasanaeth hwn ac yn awyddus i groesawu cyfranogwyr newydd.