Mae Theatr Genedlaethol Ieuenctid Prydain (NYTGB), gyda chefnogaeth Celfyddydau Cenedlaethol Ieuenctid Cymru (CCIC), yn recriwtio gwirfoddolwyr ar gyfer rhaglen gynhwysiant genedlaethol, Assemble. Ymunwch â’r tîm i gefnogi pobl ifanc anabl (16-25 oed) yn Llundain, Manceinion a Chymru i gymryd rhan mewn gweithdai creadigol, archwilio eu cymunedau lleol a dod yn eiriolwyr dros newid gyda’i gilydd. Darperir uwch wiriad y Gwasanaeth Datgelu a Gwahardd (DBS) a hyfforddiant o safon uchel ar ddiogelu, arfer cynhwysol a hyfforddiant hwyluso, yn ogystal â chyfleoedd eraill ar gyfer datblygiad proffesiynol parhaus a datblygiad proffesiynol. Telir costau treuliau.
Llenwch y ffurflen isod i wneud cais nawr:
https://form.jotform.com/232064515631348
Am ragor o wybodaeth, neu i gael y ffurflen mewn fformat gwahanol, cysylltwch â’r tîm isod:
Llundain a Chymru – Esther Myers –
Esther.Myers@nyt.org.uk
Manceinion - Miriam Wild –Miriam.Wild@nyt.org.uk
Cymru
Yng Nghymru, mae rhaglen Assemble yn cael ei chynnal mewn partneriaeth â Celfyddydau Cenedlaethol Ieuenctid Cymru.
Hope Dowsett - Cynhyrchydd Cyfranogiad a Dysgu (Cyfnod Mamolaeth) - hopedowsett@nyaw.org.uk
Mwy am Assemble:
Rhaglen genedlaethol sy’n cael ei chynnal mewn ysgolion nad ydynt yn rhai prif ffrwd yn Llundain, Manceinion a Chymru yw Assemble. Wedi’i dylunio ar gyfer y nifer gynyddol o bobl ifanc anabl a niwrowahanol sy’n teimlo’n ynysig ac nad oes ganddynt yr hyder i gael mynediad at fannau cymunedol, mae rhaglen Assemble yn dod â phobl ifanc anabl (16-25 oed) at ei gilydd gyda gwirfoddolwyr i gymryd rhan mewn gweithdai creadigol a theithiau.
Mae’r rhaglen greadigol hon yn canolbwyntio ar ddatblygu sgiliau meddal gan gynnwys hyder a chyfathrebu a datblygu carfan gydlynol o gyfranogwyr a gwirfoddolwyr a all fod yn eiriolwyr dros newid yn eu cymunedau.
