SHOT: Healthy Relationship Service

Mae Gwasanaeth Perthnasoedd Iach SHOT yn brosiect a ariennir gan Families First yng Nghaerdydd a Children in Need ym Mro Morgannwg, a gaiff ei gyflawni gan YMCA Caerdydd. Rydym yn darparu gwasanaeth arbenigol, wedi’i deilwra ac yn gyfrinachol ar iechyd rhywiol a pherthnasoedd i bobl ifanc 11–25 oed yng Nghaerdydd ac 11–18 oed ym Mro Morgannwg. Rydym yn cefnogi pobl ifanc ar amrywiaeth o bynciau ac yn helpu rhieni a theuluoedd i gefnogi eu plant. Rydym hefyd yn helpu pobl ifanc i gael mynediad at yr Adran Iechyd Rhywiol a’u clinigau. Nid yw ein gwaith wedi’i gyfyngu i nifer penodol o sesiynau – caiff pob un ei deilwra i anghenion yr unigolyn. Rydym hefyd yn cynnig sesiynau grŵp i ysgolion a sefydliadau, naill ai fel un sesiwn neu gyfres o sesiynau.