The Sporting Memories Foundation

Bydd Sporting Memories Cymru yn gweithio gyda chymunedau a sefydliadau i hybu lles meddyliol a chorfforol pobl dros 50 oed gan ddefnyddio pŵer chwaraeon fel ffocws i gynnwys y rhai sy’n byw gyda dementia ac iselder yn benodol, neu bobl sydd wedi’u hynysu yn gymdeithasol. • Bydd 30 o glybiau wythnosol dan arweiniad gwirfoddolwyr yn cael eu cynnal mewn stadiymau chwaraeon, clybiau chwaraeon, canolfannau gofal, canolfannau cymunedol a llyfrgelloedd, gan ddefnyddio lluniau o’r archif o chwaraeon, memorabilia ac adroddiadau newyddion i sbarduno atgofion da am chwarae neu wylio chwaraeon. • Yn ogystal â hel atgofion am chwaraeon a gadael i aelodau’r grwpiau ddweud eu straeon drwy atgofion chwaraeon, mae’r clybiau’n cynnwys ymarfer a chwarae chwaraeon addas, er mwyn cynyddu lefelau gweithgarwch corfforol y rhai sy’n elwa. • Mae pobl yn meithrin cyfeillgarwch ac yn ennill hyder i gyfarfod ffrindiau newydd a gwneud cysylltiadau pwysig, nid dim ond yn y clybiau, ond yn y gymuned ehangach hefyd. • Bydd y prosiect hwn yn ehangu ystod ac argaeledd y cyfleoedd gweithgarwch corfforol a chwaraeon i bobl hŷn yng Nghymru yn sylweddol ac mae ei gam cyntaf yn cael ei gyllido gan y Gronfa Iach ac Egnïol sy’n cael cyllid drwy bartneriaeth rhwng Llywodraeth Cymru, Chwaraeon Cymru ac Iechyd Cyhoeddus Cymru.
Our