Mae pobl Cymru bob amser wedi dod at ei gilydd o’u gwirfodd, nid i wneud arian nac am fod y gyfraith yn dweud bod rhaid iddynt, ond am eu bod eisiau gwneud gwahaniaeth.
Ond wrth i’r Dirwasgiad a thlodi daro Cymru’n galed yn y 1930au sylweddolodd pobl nad oedd eu sefydliadau’n barod i fynd i’r afael â’r heriau o’u cwmpas. I wneud mwy o wahaniaeth roedd angen iddynt ddod at ei gilydd, trefnu ac edrych ymlaen i baratoi at y dyfodol.
Dyna pam y ffurfiwyd CGGC. A dyna pam rydym yn bodoli heddiw.
Drwy ein grym cyfunol, ac wedi ein hysgogi gan y dyhead a rannwn i wella bywydau pobl, rydym yn galluogi mudiadau gwirfoddol yng Nghymru i wneud mwy o wahaniaeth gyda’n gilydd.
Rydym yn darparu hyfforddiant i'r trydydd sector a'r sector cyhoeddus ar bynciau amrywiol, gan gynnwys Llywodraethu, Arwain a Rheoli, Ymgysylltu â'r Cyhoedd, Cydgynhyrchu, Cyfathrebu a Chyllid.
