Cymdeithas Mudiadau Gwirfoddol Sirol Pen-y-bont ar Ogwr

Rydym yn sefydliad ymbarél a gafodd ei sefydlu i ddatblygu a hyrwyddo gweithredu gwirfoddol a chymunedol ledled bwrdeistref sirol Pen-y-bont ar Ogwr. Rydym yn darparu cefnogaeth, hyfforddiant, arweiniad, cymorth ymarferol a gwybodaeth i grwpiau cymunedol a gwirfoddol lleol er mwyn cefnogi eu gweithgareddau. Rydym hefyd yn cynrychioli ein sector ar draws ystod eang o faterion yn lleol, yn rhanbarthol ac yn genedlaethol.

Rydym yn gweithio’n agos gyda Chynghorau Gwirfoddol Sirol eraill a Chyngor Gweithredu Gwirfoddol Cymru (CGGC). Rydym yn sefydliad aelodaeth sy’n agored i grwpiau gwirfoddol a chymunedol cenedlaethol a lleol. Ar hyn o bryd mae aelodaeth o BAVO yn rhad ac am ddim, ac rydym yn cynnig amrywiaeth o fanteision gan gynnwys cymorth datblygu, cymorth mewn argyfwng, mynediad at gyllid a chwiliadau cyllid, cymorth polisi, hyfforddiant a chyfleoedd rhwydweithio.